چیمپئنز ٹرافی کے پہلے میچ میں نیوزی لینڈ کے خلاف فخر زمان کے اوپننگ نہ کرنے کی وجہ سامنے آگئی۔
کراچی کے نیشنل بینک اسٹیڈیم میں کھیلے جارہے چیمپئنز ٹرافی کے پہلے میچ میں نیوزی لینڈ نے مقررہ اوورز میں 4 وکٹوں کے نقصان پر 304 رنز بنائے اور پاکستان کو جیت کے لیے 305 رنز کا ہدف دے دیا۔
نیوزی لینڈ کی جانب سے اوپنر ول ینگ اور ٹام لیتھم نے سنچریاں اسکور کی ہیں۔
ول یونگ 113 گیندوں پر 107 رنز بنا کر آؤٹ ہوئے، ٹام لیتھم 97 گیندوں پر 107 رنز کی اننگز کھیلی، گلین فلپس نے 32 گیندوں پر 48 رنز کی اننگز کھیلی۔
کین ولیمسن ایک رن بنا کر نسیم شاہ کا نشانہ بنے، ڈیرل مچل 10 رنز بنا کر حارث رؤف کو وکٹ دے بیٹھے۔
تاہم پاکستان کی جانب سے فخر زمان اور بابر اعظم نے اوپننگ کرنی تھی لیکن ان کی جگہ بابر کے ساتھ سعود شکیل اننگز کا آغاز کرنے آئے ہیں۔
دراصل فخر زمان نے انجری کی وجہ سے باہر چلے گئے تھے اور انہوں نے بیس منٹ تک فیلڈنگ نہیں کی تھی آئی سی سی قانون کے مطابق جو کھلاڑی جتنی دیر تک میدان سے باہر رہے گا اور اتنے ہی منٹ کے بعد بیٹنگ کرنے کے لیے میدان میں آئے گا۔
فخر زمان بیٹنگ کے یلے 20 منٹ کے بعد میدان میں آسکتے ہیں۔
