چیمپئنز ٹرافی سے قبل پاکستان میں سہ فریقی ون ڈے سیریز بھی کھیلی جانی ہے جس سے متعلق اہم خبر سامنے آئی ہے۔
آئی سی سی چیمپئنز ٹرافی آئندہ ماہ 19 فروری سے 9 مارچ تک شیڈول ہے۔ پاکستان اس ٹورنامنٹ کا دفاعی چیمپئن ہونے کے ساتھ میزبان بھی ہے۔
اس شوپیس ایونٹ سے قبل پاکستان، نیوزی لینڈ اور جنوبی افریقہ کے درمیان سہ ملکی ون ڈے سیریز بھی کھیلی جانی ہے جس کے وینیوز کو پی سی بی نے تبدیل کر دیا ہے۔
- Advertisement -
پی سی بی کے جاری ابتدائی شیڈول کے مطابق پہلے سہ ملکی ون ڈے سیریز ملتان میں کھیلی جانی تھی تاہم اب اس کو کراچی اور لاہور منتقل کر دیا گیا ہے۔
واضح رہے کہ یہ تین ملکی ون ڈے سیریز 8 سے 14 فروری تک شیڈول ہے اور طویل عرصے بعد پاکستان کسی سہ فریقی سیریز کی میزبانی کر رہا ہے۔
چیمپئنز ٹرافی میں روہت شرما اور ویرات کوہلی کھیلیں گے یا نہیں؟ بھارتی میڈیا نے بڑی خبر دے دی
