ن لیگ کے رہنما اسحٰق ڈار جنہیں رواں ہفتے پاکستان آنا تھا تاہم پنجاب میں حکومت کی تبدیلی کے بعد ان کی وطن واپسی موخر ہوگئی ہے۔
اے آر وائی نیوز کو ذرائع نے بتایا ہے کہ پنجاب میں حکومت کی تبدیلی نے ن لیگی رہنما اسحٰق ڈار کی واپسی موخر ہوگئی ہے۔ سابق وزیر خزانہ اسحٰق ڈار جنہیں رواں ہفتے لندن سے اسلام آباد آنا تھا اب وہ وطن واپس نہیں آرہے ہیں۔
ذرائع کے مطابق اسحٰق ڈار نے سپریم کورٹ سے نظر ثانی اپیل پر فیصلہ آنے تک اپنی پاکستان واپسی کو موخر کردیا ہے۔ سابق وزیر خزانہ کو ان کے ڈاکٹرز پہلے سفر کے لئے فٹ قرار دے چکے ہیں۔
واضح رہے کہ 2017 سے لندن میں مقیم اسحٰق ڈار نے پاکستان واپسی کی تصدیق کرتے ہوئے گزشتہ ماہ اپنے ایک بیان میں کہا تھا کہ وہ جولائی میں پاکستان واپس جائیں گے۔
یہ بھی پڑھیں: اسحاق ڈار کی آئندہ ماہ برطانیہ سے پاکستان واپسی کی تصدیق
مسلم لیگ ن کے مرکزی نائب صدر شاہد خاقان عباسی نے سحاق ڈار وطن واپسی پر لاعلمی کا اظہار کرتے ہوئے کہا تھا کہ اسحاق ڈار کی وطن واپسی کا فیصلہ پارٹی سطح پر نہیں ہوا، وطن واپسی سے متعلق اسحاق ڈار کا اپنا فیصلہ ہے وہ جب بھی وطن واپسی کا فیصلہ کریں یہ ان کا فیصلہ ہوگا۔
