اسلام آباد: سنگل ڈوز ویکسین لگوانے کیلئے عمر کی حد 80 کے بجائے 70 سال مقرر کردی ہے، سنگل ڈوز ویکسین ترلائی مرکز سے لگوائی جاسکتی ہے۔

تفصیلات کے مطابق وفاقی دارلحکومت اسلام آباد میں سنگل ڈوز کورونا ویکسین کیلئے عمر کی حد میں تبدیلی کردی گئی اور سنگل ڈوز ویکسین لگوانے کیلئے عمر کی حد 80 کے بجائے 70 سال مقرر کردی ہے۔

ڈی ایچ او اسلام آباد کا کہنا ہے کہ سنگل ڈوزویکسین ترلائی مرکز سے لگوائی جاسکتی ہے ، ترلائی سینٹرسنگل ڈوز ویکسین کا اسلام آباد میں واحد مرکز ہے۔

ڈی ایچ او نے مزید کہا کہ سنگل ڈوزکورونا ویکسین بزرگوں کیلئے بڑی سہولت ہے، یہ سہولت اب 70سالہ شہریوں کو حاصل ہے۔

خیال رہے کورونا ویکسینیشن کے حوالے سے اسدعمر کا کہنا تھا کہ تاحال 10لاکھ سےزائدافرادکی ویکسی نیشن کی جاچکی ہے، گزشتہ روز 76 ہزار سے زیادہ افراد کو ویکسین لگائی گئی۔

سربراہ این سی او سی نے کہا تھا کہ اب تک رجسٹریشن کرنے والوں کی تعداد 20 لاکھ سے زائد ہے، جن میں 6لاکھ ہیلتھ کیئرورکرز اور 50سال سے زائد کے 14لاکھ افراد شامل ہیں ، 50 سال سے زائد عمر کے افراد ویکسی نیشن کے لیے خود کو رجسٹر کرالیں۔