The news is by your side.

سیمی فائنل میں شکست: بھارتی ٹیم میں بڑے پیمانے پر اکھاڑ پچھاڑ ہوگی

نئی دہلی: آئی سی سی ٹی 20 ورلڈ کپ 2022 کے سیمی فائنل میں انگلینڈ کے ہاتھوں بھارت کی شرمناک شکست کے بعد سینئر کھلاڑیوں کو ٹیم سے فارغ کیے جانے کا امکان ہے۔

بھارتی میڈیا کے مطابق انڈین ٹی 20 ٹیم میں اگلے 24 مہینوں میں بڑی تبدیلیاں ہوں گی، روہت شرما، ویراٹ کوہلی اور روی چندرن اشون جیسے سینئر کھلاڑیوں کو بتدریج ٹیم سے باہر کردیا جائے گا۔

بورڈ آف کنٹرول فار کرکٹ ان انڈیا (بی سی سی آئی) کے ذرائع کا کہنا ہے کہ اگلا ٹی 20 ورلڈ کپ 2 سال دور ہے اور تب تک ممکنہ طور پر ہاردک پانڈیا کی قیادت میں نئی ٹیم تیار کرلی جائے گی۔

بی سی سی آئی ذرائع کے مطابق بورڈ کسی کو ریٹائرمنٹ لینے کے لیے نہیں کہتا ہے، یہ ایک ذاتی فیصلہ ہوتا ہے۔

دوسری جانب ہیڈ کوچ راہول دراوڑ کا کہنا ہے کہ کوہلی اور روہت جیسے سینیئر کھلاڑیوں کے مستقبل کے بارے میں ابھی کچھ بھی کہنا جلد بازی ہوگی، ان کھلاڑیوں نے شاندار پرفارمنس دی ہے۔

Comments

یہ بھی پڑھیں