The news is by your side.

تحریک انصاف آج چار سدہ میں سیاسی قوت کا مظاہرہ کرے گی

چارسدہ : تحریک انصاف آج چارسدہ میں وسیع و عریض گراونڈ میں امپورٹڈ حکومت اور ہوشربا مہنگائی کیخلاف عوامی جلسہ کرے گی جس سے عمران خان خصوصی خطاب کریں گے۔

کرسیاں لگ گئیں اور اسٹیج بھی تیار ہوگیا، مقامی رہنماؤں نے جلسہ گاہ کا دورہ کرکے انتظامات کا جائزہ لیا، عوام کا جوش وجذبہ عروج پر ہے اور جلسے میں بھرپور شرکت کے لیے پرعزم ہیں۔

جلسہ عام کے لئے بائی پاس روڈ اتمانزئی گراؤنڈ میں 40 فٹ بلند اور 16 فٹ چوڑا اسٹیج تیار کرلیا گیا، جلسہ گاہ میں خواتین کے لئے علیحدہ جگہ مختص کی گئی ہے۔

ذرائع کے مطابق جلسہ گاہ میں 20 ہزار کرسیاں لگانے کا دعویٰ کیا گیا ہے، جلسہ گاہ میں 300 سے زائد اسپیکر نصب کئے گئے ہیں، جلسہ گاہ کی سی سی ٹی وی کیمروں سے نگرانی کی جائے گی۔

عمران خان اتمانزئی گراؤنڈ میں عوام کے سمندر سے خطاب کریں گے، اتمانزئی بائی پاس روڈ پر جلسہ کے انتظامات تقریباً مکمل ہوچکے ہیں، کارکنان بہت جوش و خروش سے اپنے قائد کے استقبال کی تیاریاں کررہے ہیں۔

چارسدہ کے جلسہ گاہ میں خواتین کے لئے الگ جگہ بنائی گئی ہے، جلسے سے پہلےعمران خان چارسدہ میں سیلاب سے متاثرہ علاقوں کا دورہ بھی کریں گے۔

Comments

یہ بھی پڑھیں