چارسدہ میں امتحان میں پاس ہونے کی خوشی میں کم سن بچہ ایسا دیوانہ ہوا کہ اپنے ماں کی جان لے لی۔
تفصیلات کے مطابق چارسدہ کے نواحی علاقہ ترنگزئی میں کمسن طالبعلم کی ہوائی فائرنگ سے والدہ جاں بحق ہوگئیں۔
پولیس حکام کے مطابق چوتھی جماعت کا 10 سالہ طالب علم ولید امتحان میں کامیابی پر ہوائی فائرنگ کررہا تھا اس دوران پستول پر قابونہ رکھ سکا اور گولی اس کی والدہ کو لگ گئی۔
مقامی افراد کے مطابق بچے کو ہوائی فائرنگ کیلئے پستول باپ نے دی تھی، پولیس کا کہنا ہے والد کی مدعیت میں بچے کے خلاف قتل خطا کی ایف آئی آر درج کر لی گئی ہے تاہم بچے کو تاحال گرفتار نہیں کیا گیا ہے۔
