لاہور: گورنرپنجاب چوہدری محمد سرور کا کہنا ہے کہ پرویز الہیٰ منجھے ہوئے سیاست دان ہیں، ان کی شکایت دورکریں گے۔
تفصیلات کے مطابق لاہور میں میڈیا سے گفتگو کرتے ہوئے گورنرپنجاب چوہدری محمد سرور نے کہا کہ حکومت مدت پوری کرے گی، اتحادی جماعتیں ساتھ رہیں گی۔
انہوں نے کہا کہ ایک گھر میں بھی شکوے شکایت جاری رہتے ہیں، یہ جمہوریت کا حسن ہے، شکوے شکایات کریں تو کام آسان اوردلوں میں رہ جائیں تو مشکل ہوتی ہے۔
گورنرپنجاب کسی بھی معاملے میں سیاسی مداخلت نہیں کی جائے گی، ملک میں آئین اور قانون موجود ہے تمام فیصلے اسی کے تحت ہوں گے۔
چوہدری محمد سرور نے کہا کہ مڈ ٹرم الیکشن نہیں ہوں گے حکومت 5 سال پورے کرے گی،حکومت جو ابھی جو کام کرے گے وہ کام بعد میں نظرآئیں گے۔
گورنرپنجاب نے کہا کہ وہ نوازشریف کی صحت یابی کے لیے دعا گوہیں، ان کی صحت سے متعلق میڈیکل بورڈ جو سفارشات کرے گا اسی پر عمل کیا جائے گا۔
قوم جلد حکومت کی پالیسیوں کےثمرات سےمستفید ہوگی‘ وزیردفاع
یاد رہے کہ رواں ماہ 13 جنوری کو وزیردفاع پرویز خٹک کا کہنا تھا کہ وزیراعظم عمران خان کی پالیسیوں سے بدعنوانی اور رشوت ستانی جیسی سماجی برائیوں کا خاتمہ ہوگا۔
