The news is by your side.

Advertisement

سکھوں کومذہبی رسومات کی ادائیگی کے لیے سہولتیں دے رہے ہیں، گورنرپنجاب

لاہور: گورنر پنجاب چوہدری محمد سرور کا کہنا ہے کہ بھارت ، یورپ اور دیگرملکوں سے آنے والے سکھ بھائیوں کا خیرمقدم کرتے ہیں۔

تفصیلات کے مطابق گورنر پنجاب چوہدری محمد سرور نے مہاراجہ رنجیت سنگھ کی برسی پرمیڈیا سے گفتگو کرتے ہوئے کہا کہ مہاراجہ رنجیت سنگھ نے بہت عرصہ حکومت کی اور مذہبی رواداری رکھی

گورنرپنجاب نے کہا کہ پنجاب کے سکھوں کو پنجابی میں ہی پیغام پہنچتا ہے، بھارت ، یورپ اور دیگرملکوں سے آنے والے سکھ بھائیوں کا خیرمقدم کرتے ہیں۔

چوہدری محمد سرور نے کہا کہ سکھوں کومذہبی رسومات کی ادائیگی کے لیے سہولتیں دے رہے ہیں، 5 سے 10 ہزار سکھ یاتری کرتارپور آ سکیں گے۔

انہوں نے کہا کہ تحریک انصاف کے خلاف پروپیگنڈا ہو رہا ہے، پنجاب حکومت بنانے میں کوئی ہارس ٹریڈنگ نہیں کی، آزاد امیدوار ہمیشہ حکومت کی طرف ہی جاتے ہیں۔

گورنر پنجاب نے کہا کہ چیئرمین سینیٹ کو ہٹانے کا صرف پروپیگنڈا کیا جا رہا ہے، سینیٹ چیرمین ٹیلنٹڈ ہیں، اپوزیشن کو پنجہ آزمائی نہیں کرنی چاہیے، اپوزیشن کو معلوم ہوگیا ان کی کال پر لوگ باہر نہیں نکلیں گے۔

Comments

comments

یہ بھی پڑھیں