لاہور: گورنرپنجاب چوہدری محمد سرور کا کہنا ہے کہ تمام جامعات کومثالی بنائیں گے، کسی وائس چانسلر کی تعیناتی سیاسی بنیادوں پرنہیں ہوگی۔
تفصیلات کے مطابق گورنرپنجاب چوہدری محمد سرور نے کنگ ایڈورڈ میڈیکل یونیورسٹی میں تقریب سے خطاب کرتے ہوئے کہا کہ تمام جامعات میں صاف پانی اور پانی کا ضیاع روکنے کا پروگرام بنائیں گے۔
گورنر پنجاب کا کہنا تھا کہ تمام جامعات کوشمسی توانائی پرلے جانے کا پروگرام ہے اس کے علاوہ فائلوں کی ٹریکنگ کا ایک نظام بھی متعارف کرائیں گے۔
چوہدری محمد سرور کا کہنا تھا کہ تمام جامعات کو مثالی بنائیں گے اور کسی وائس چانسلر کی تعیناتی سیاسی بنیادوں پرنہیں ہو گی۔
بعدازاں میڈیا سے گفتگو کرتے ہوئے گورنرپنجاب کا کہنا تھا کہ سندھ حکومت نہیں گرا رہے اور نہ کوئی ہماری حکومت گرائے گا، سیاست میں کچھ اخلاقی معاملات ہیں جن پربات ہوتی رہتی ہے۔
چوہدری محمد سرور کا پنجاب کی جیلوں میں قیدیوں کو صاف پانی فراہم کیا جا رہا ہے، صرف قیدیوں ہی نہیں تمام لوگوں کو صاف پانی مہیا ہوگا۔
یاد رہے کہ دو روز قبل وفاقی وزیراطلاعات فواد چوہدری کا کہنا تھا کہ تاثر دیا جا رہا ہے کہ سندھ حکومت کا تختہ الٹنے جا رہے ہیں، ہم سندھ میں وزیراعلیٰ کی تبدیلی چاہتے ہیں، گورنرراج نہیں۔
