لاہور: سابق وزیراعلیٰ پنجاب اور پی ٹی آئی کےصدرپرویزالٰہی کو گرفتارکرلیا گیا۔
تفصیلات کے مطابق چوہدری پرویزالٰہی کو اینٹی کرپشن پنجاب اورپولیس نے ان کی رہائشگاہ سے گرفتار کیا۔
ان کی گرفتاری اس وقت عمل میں لائی گئی جب وہ گاڑی میں بیٹھ کر جارہے تھے۔
پرویزالٰہی پرمنڈی بہاوالدین اورگوجرانوالہ میں کرپشن کےمقدمات درج ہیں،ضمانت منسوخ ہونےپرپرویزالٰہی عدالت میں پیش نہیں ہورہےتھے۔
واضح رہے کہ گذشتہ ماہ کی 26 تاریخ کو لاہورکی اینٹی کرپشن کی عدالت نے سابق وزیر اعلیٰ پنجاب چوہردی پرویزالٰہی کے ناقابل ضمانت وارنٹ گرفتاری جاری کئے تھے۔
عدالت نے حکم دیا تھا کہ چوہدری پرویز الٰہی کو گرفتارکرکے2جون تک پیش کیا جائے۔
آپریشن مکمل ہونے کے بعد ظہور الہیٰ روڈ کو ٹریفک کے لئے کھول دی گیا ہے جبکہ پولیس بدستور وہاں موجود ہیں، پولیس نے دس روز سے ظہور الہٰی روڈ کو ٹریفک کے لئے بند کررکھا ہے۔
سابق وزیر اعلیٰ پنجاب پرویز الٰہی کے خلاف کار سرکار میں مداخلت پر غالب مارکیٹ میں مقدمہ درج ہے جبکہ ان کے خلاف اختیارات کے ناجائز استعمال اور ترقیاتی فنڈز میں خوردبرد کا بھی مقدمہ درج ہے۔
انتیس اپریل کو ظہور الہیٰ روڈ پر واقع پی ٹی آئی کے صدر اور سابق وزیراعلیٰ پنجاب چوہدری پرویز الہی کی رہائشگاہ کا مرکزی دروازہ توڑ کر پولیس اندر داخل ہوئی تھی تاہم وہ انہیں گرفتار نہ کرسکی۔
