لاہور : وزیر داخلہ رانا ثنا اللہ نے دعویٰ کیا ہے کہ چوہدری پرویزالہی کےپاس ایک سو پچھتر سے زیادہ ووٹ نہیں۔
تفصیلات کے مطابق وزیر داخلہ رانا ثنا اللہ نے اپنے بیان میں کہا ہے کہ چوہدری پرویزالہی کے پاس ایک سوپچھتر سے زیادہ ووٹ نہیں، اس لیے وہ کبھی بھی اعتماد کاووٹ نہیں لیں گے۔
وفاقی وزیر کا کہنا تھا کہ اکثریت دونوں جانب نہیں، فیصلہ رن آف الیکشن پر ہوگا، ہمارے پاس ایک سواسّی ووٹ موجود ہے، ہماری کامیابی یقینی ہے، پنجاب حکومت واپس لیکر ہی اسلام آباد جاؤں گا۔
راناثنااللہ نے اپنے ٹوئٹر پیغام میں کہا کہ ہمارے پاس پنجاب میں 179 کی تعداد ہے جو بڑھ بھی سکتی ہے ، ان کے پاس 186 اراکین نہیں ہیں اگر ہیں تو پرویزالہٰی اعتماد کا ووٹ لیں۔
ان کا کہنا تھا کہ اعتماد کے ووٹ علاوہ پرویزالہٰی کے پاس اور کوئی حل نہیں ، میں یہ واضح کرنا چاہتا ہوں انہیں اعتماد کا ووٹ ہر صورت لینا پڑے گا۔
ہمارے پاس پنجاب میں 179 کی تعداد ہے جو بڑھ بھی سکتی ہے مگر ان کے پاس 186 اراکین نہیں ہیں اگر ہیں تو چوہدری پرویز الہی اعتماد کا ووٹ حاصل کریں؛ اس کے علاوہ کوئی حل نہیں ہے۔ میں یہ بات واضح کردینا چاہتا ہوں کہ انہیں اعتماد کا ووٹ ہر صورت لینا پڑے گا۔
— Rana SanaUllah Khan (@RanaSanaullahPK) January 11, 2023
