The news is by your side.

Advertisement

چوہدری شجاعت نے خاندان میں اختلافات کی خبروں کو بنیاد قرار دے دیا

اسلام آباد : مسلم لیگ (ق) کے صدر چوہدری شجاعت حسین نے نے خاندان میں اختلافات کی خبروں کو بنیاد قرار دے دیا اور کہا ہمارا خاندان اور جماعت ایک ہی پیج پرہے۔

تفصیلات کے مطابق موجودہ سیاسی صورتحال پر صدر مسلم لیگ (ق) چوہدری شجاعت حسین نے اپنے بیان میں خاندان میں اختلافات کی خبروں کومسترد کردیا۔

چوہدری شجاعت کا کہنا تھا کہ تمام سیاسی فیصلے میری مشاورت سے ہوئے میری مکمل حمایت ہے، ہمارا خاندان اور جماعت ایک ہی پیج پرہے، جو افواہیں چل رہی ہیں اورچلائی جارہی ہیں وہ غلط ہیں۔

صدر مسلم لیگ (ق) نے کہا کہ وضاحت پر یقین نہیں رکھتا ، مجھے خاندان کا سربراہ سمجھا جاتا ہے، نوجوانوں کی تعداد موجودہ اسمبلی میں سابقہ اسمبلیوں سے زیادہ ہے ، ان پر الزام لگانا اور شک کرنا غلط بات ہے۔

ان کا مزید کہنا تھا کہ پیسے کے لین دین کے لفظ کا استعمال نہیں ہونا چاہیے ، پڑھے لکھے لوگ اس بات کوپسند نہیں کرتے، غلط قسم کا پروپیگنڈا ،حقائق کو جوڑ توڑ کر پیش کرنا نا مناسب ہے۔

چوہدری شجاعت نے کہا کہ خاندان میں اختلافات کی بے بنیاد خبروں میں کوئی صداقت نہیں، ہمارا خاندان پچھلے 50سالوں سے پاکستان کے تمام اضلاع میں پھیلا ہوا ہے۔

Comments

یہ بھی پڑھیں