کھانا چاہے جو بھی پکایا جائے، اگر مناسب نمک مرچ کے ساتھ ہو اور سجاوٹ کے ساتھ خوش رنگ بھی ہو تو بہت شوق سے کھایا جاتا ہے۔ آج ہم آپ کو چیز نان بنانے کی ترکیب بتا رہے ہیں جو ہر کھانے کا لطف دوبالا کردیں گے۔
اجزا
میدہ: 300 گرام
دہی: 1 کپ
زیتون کا تیل: 1 کھانے کا چمچ
بیکنگ پاؤڈر: ڈیڑھ چائے کا چمچ
نمک: چٹکی بھر
چیڈر چیز (کدوکش کیا ہوا): 1 کپ
ترکیب
ایک پیالے میں میدہ، دہی، زیتون کا تیل، بیکنگ پاؤڈر اور نمک ملا کر اچھی طرح سے گوندھ لیں۔
آٹے کو دس منٹ کے لیے رکھ دیں۔
پھر آٹے کے چھوٹے چھوٹے پیڑے بنالیں۔
اب پیڑے بیل کر درمیان میں ایک کپ چیز ڈال دیں اور دوبارہ رول کریں۔
پھر آٹے کے پتلے نان بنا کر فرائنگ پین میں 3 منٹ کے لیے دونوں طرف سے فرائی کرلیں۔
مزیدار چیز نان تیار ہیں کھانے کے ساتھ گرم گرم سرو کریں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
