The news is by your side.

Advertisement

بھارت : تیندوے نے حملہ کرکے چھ سالہ بچے کو چبا کر مار ڈالا

بھارتی ریاست چھتیس گڑھ میں تیندوے نے حملہ کرکے چھ سالہ بچے کو چیر پھاڑ دیا، شدید زخمی حالت میں اسپتال پہنچنے سے پہلے بچے نے جان دے دی۔

تفصیلات کے مطابق بھارت کے علاقے چھتیس گڑھ کے ضلع گریابند کے کوچیگا گاؤں میں چھ سالہ بچہ تیندوے کے حملے سے ہلاک ہوگیا۔

محکمہ جنگلات کے ذرائع کے مطابق گزشتہ شام پورب کمار نامی چھ سالہ بچے کو اُس وقت تیندوا نے حملہ کیا جب وہ گھر کے صحن میں کھیل رہا تھا۔ اپڑوسیوں کے شور کی وجہ سے تیندوا بچے کو چھوڑ کر جنگل کی طرف بھاگ نکلا۔

گاؤں والوں نے اس واقعے کی اطلاع محکمہ جنگلات کو دی اور زخمی حالت میں بچے کو لے کر ضلع اسپتال پہنچے۔ ابتدائی علاج و معالجے کے بعد نازک حالت میں بچے کو رائے پور اسپتال منتقل کای جارہا تھا تاہم بچے نے زخموں کی تاب نہ لاتے ہوئے راستے میں ہی دم توڑ دیا۔

محکمہ جنگلات کے ایریا آفیسر منوج چندراکر نے میڈیا کو بتایا کہ بچے کی حادثے میں موت ہونے کی وجہ سے اس کے اہل خانہ کو 25ہزار روپے امداد دی گئی ہے۔

انہوں نے مزید کہا کہ پوسٹ مارٹم اور دیگر طبی و قانونی کارروائی کے بعد لاش کو آخری رسومات کے لیے گھروالوں کے سپرد کر دیا گیا ہے۔

Comments

یہ بھی پڑھیں