حضرت امام حسین کا چہلم آج عقیدت واحترام سے منایا جائے گا، سیکیورٹی سخت
The news is by your side.

Advertisement

حضرت امام حسین کا چہلم آج عقیدت واحترام سے منایا جائے گا

کراچی: حضرت امام حسین کا چہلم آج عقیدت واحترام سے منایا جائے گا، ملک بھر میں ذوالجناح، تعزیہ اور علم کے ماتمی جلوس نکالے جائیں گے۔

تفصیلات کے مطابق نواسہ رسول سیدنا حضرت امام حسین کا چہلم آج نہایت عقیدت و احترام کے ساتھ منایاجائے گا، ملک بھر میں سیکیورٹی کے سخت انتظامات کیے گئے ہیں۔

امام عالی مقام شہید کربلا کی قُربانی کو یاد کرتے ہوئے آج ملک بھر میں چہلم کے جُلوس بر آمد ہوں گے جس کے لیے سیکیورٹی انتہائی سخت ہوگی۔

کراچی سمیت سندھ کے مختلف اضلاع میں موٹرسائیکل کی ڈبل سواری پابندی عائد ہے، کراچی سمیت کئی شہروں میں موبائل فون سروس بھی بند رہے گی جبکہ سرکاری اور نجی اسکولوں میں عام تعطیل کا اعلان کیا گیا ہے۔

شہدائے کربلا کا چہلم، ملک کے مختلف شہروں میں آج موبائل فون سروس بند رہے گی

شہرقائد میں جلوس کی گزر گاہوں کو بم ڈسپوزل اسکواڈ سے چیکنگ کروائی جائے گی جبکہ اہم و بلند عمارتوں کے اوپر شارپ شوٹرز بھی تعینات رہیں گے۔

پولیس و رینجرز کی بھاری نفری جلوس کے ہمراہ موجود رہے گی جبکہ سراغ رساں کتوں کی مدد سے بھی جلوس کی گزرگاہوں کو چیک کیا جائے گا۔ جلوس کے راستے میں آنے والی سڑکوں کو کنٹینرز لگا کر سیل کردیا گیا ہے۔

کراچی میں مرکزی جلوس اپنے مقررہ راستوں سے ہوتا ہوا حسینیاں ایرانیاں کھارادر پر اختتام پذیر ہوگا۔

واضح رہے کہ وزارت داخلہ کے نوٹی فکیشن کے مطابق پنجاب، سندھ، خیبرپختونخوا، بلوچستان، آزاد کشمیر میں موبائل سروس بند ہوگی، جن شہروں میں پابندی کا اطلاق ہوگا ان میں لاہور، ننکانہ صاحب، گوجرانوالہ، سیالکوٹ، گجرات، نارووال، راولپنڈی، اٹک، جہلم، سرگودھا، خوشاب، بھکر، ٹوبہ ٹیک سنگھ، ملتان، ساہیوال، اوکاڑہ، پاکپتن، رحیم یارخان میں شہریوں کے موبائل فون خاموش رہیں گے۔

Comments

comments

یہ بھی پڑھیں