site
stats
پاکستان

چیف جسٹس انورظہیرجمالی آج ریٹائرہورہےہیں

اسلام آباد: سپریم کورٹ آف پاکستان کےچیف جسٹس انور ظہیر جمالی آج اپنی مدت پوری کرنے کے بعدریٹائرہورہےہیں۔

تفصیلات کےمطابق سپریم کورٹ آف پاکستان کے چو نتیسویں چیف جسٹس ،جسٹس انور ظہیر جمالی15ماہ سے زائد چیف جسٹس کے فرائض انجام دینے کے بعد آج ریٹا ئر ہورہے ہیں۔

انور ظہیر جمالی سندھ کے شہر حیدرآباد میں 1951 میں پیدا ہوئے اور1998میں ہائی کورٹ کے جج مقرر ہوئے۔جسٹس انور ظہیرجمالی نے 2007میں جنرل ریٹائرڈپرویز مشرف کے پی سی او پرحلف اٹھا نےسے انکار کردیاتھا۔

انور ظہیر جمالی 2008 میں سندھ ہائی کو رٹ کے چیف جسٹس بنےاور ایک سال بعد2009 میں سپریم کو رٹ میں بطور جج مقرر ہو ئے۔

واضح رہےکہ گزشتہ سال دس ستمبر کو انہوں نے بطور چیف جسٹس سپریم کورٹ کاحلف اٹھایاتھا،ان کےدور میں پا نامہ کیس کی سماعت شروع ہوئی جواب بھی زیر سماعت ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top