چکن فجیتا کا فلیور بچوں اور بڑوں سب ہی کو پسند ہوتا ہے، آج ہم آپ کو چکن فجیتا رول بنانے کی ترکیب بتا رہے ہیں۔

اجزا

چکن بریسٹ: 250 گرام

پیاز: 2 عدد

ٹماٹر: 2 عدد

شملہ مرچ: 2 عدد

نمک: 1 چائے کا چمچ

لال مرچ: 1 چائے کا چمچ

زیرہ پاؤڈر: 1 چائے کا چمچ

لیموں کا رس: 4 کھانے کے چمچ

روٹی یا پراٹھا: 4 عدد

ترکیب

چکن بریسٹ کو دو حصوں میں کاٹ لیں۔

پھر اس میں لیموں کا رس، نمک، لال مرچ اور زیرہ مکس کر کے 30 منٹ کے لیے رکھ دیں۔

ایک پتیلی میں چکن کو فرائی کریں، جب براؤن ہو جائے تو اس کے چھوٹے چھوٹے ٹکڑے کاٹ لیں۔

شملہ مرچ، پیاز اور ٹماٹر کے بیج نکال کر لمبے لمبے ٹکڑے کاٹ لیں۔

جس پیالے میں چکن میری نیٹ کی تھی اسی پیالے میں سبزی کو ڈال کر مصالحہ لگا کر ایک کھانے کا چمچ تیل شامل کرلیں۔

اب روٹی یا پراٹھے پر سوس یا مایو گارلک لگا کر اس پر چکن اور سبزی رکھ کر رول کریں اور سرو کریں۔