چکن گارلک اسٹیک پلیٹر نہایت مزیدار ڈش ہے جو گھر میں بھی باآسانی بنائی جاسکتی ہے، اس کی آسان ترکیب مندرجہ ذیل ہے۔
اجزا
چکن فلے: 3 عدد
لہسن کٹا ہوا: 1 چائے کا چمچ
کٹی ہوئی لال مرچ: 1 چائے کا چمچ
کالی مرچ: 1 چائے کا چمچ
پیاز کا پاؤڈر: 1 چائے کا چمچ
جاوتری پاؤڈر: آدھا چائے کا چمچ
نمک: حسب ذائقہ
تیل: 5 سے 6 چائے کے چمچ
سوس بنانے کے لیے
دودھ: 1 کپ
میدہ: 2 چائے کے چمچ
کالی مرچ: 1 چائے کا چمچ
نمک: حسب ذائقہ
جاوتری پاؤڈر: آدھا چائے کا چمچ
کٹی ہوئی لال مرچ: 1 چائے کا چمچ
ترکیب
سب سے پہلے تیل کو پین میں گرم کریں اور اس میں کٹا ہوا لہسن ڈال کر براؤن ہونے تک پکائیں۔
اب اس میں چکن فلے ڈالیں۔
چکن فلے کے اوپر کٹی ہوئی لال مرچ، کالی مرچ، پیاز کا پاؤڈر، جاوتری پاؤڈر اور نمک شامل کریں اور چکن کو اچھی طرح پکا لیں۔
اب اس کا سوس بنائیں۔
ایک کپ دودھ پین میں ڈالیں اور اس میں میدہ، کالی مرچ، نمک، جاوتری پاؤڈر اور کٹی ہوئی لال مرچ شامل کر کے اچھی طرح گاڑھا ہونے تک پکائیں۔
پلیٹر بنانے کے لیے
ایک بڑی پلیٹ میں ابلے ہوئی آلو میش کر کے رکھیں، اس کے اوپر کیچپ ڈالیں۔
ایک طرف چکن اسٹیک رکھ کر اس پر سوس ڈالیں۔
گارنش کے لیے سلاد پتہ اور ٹماٹر رکھیں اور اوپر سے کٹی ہوئی لال مرچ چھڑک دیں۔
مزیدار چکن گارلک اسٹیک پلیٹر تیار ہے۔
