ادرک کھانوں کے ذائقے میں اضافہ کردیتا ہے یہی وجہ ہے کہ اسے مختلف کھانوں میں استعمال کیا جاتا ہے۔ اسی لیے آج ہم آپ کو مزیدار ادرک چکن بنانے کی ترکیب بتا رہے ہیں۔
اجزا
چکن بون لیس: آدھا کلو
تیل: 4 کھانے کے چمچ
ادرک ٹکڑوں میں کٹا ہوا: 2 کھانے کے چمچ
ادرک لہسن کا پیسٹ: 2 چائے کے چمچ
لال مرچ پسی ہوئی: 1 ایک چائے کا چمچ
نمک: 1 چائے کا چمچ
ٹماٹر کٹے ہوئے: 2 عدد
ہری مرچ: 3 عدد
کالی مرچ: آدھا چائے کا چمچ
ہلدی: آدھا چائے کا چمچ
دہی: 2 کھانے کے چمچ
مکھن: 50 گرام
پودینہ: گارنش کے لیے
ترکیب
ایک برتن میں تیل گرم کرلیں اور اس میں سلائس کیا ہوا ادرک اور چکن ڈال کر دو منٹ کے لیے پکالیں۔
اب اس میں ادرک لہسن کا پیسٹ، نمک، پسی لال مرچ، ٹماٹر، ہری مرچ، ہلدی، کالی مرچ اور دہی ڈال کر تیل کے اوپر آنے تک اچھی طرح فرائی کرلیں۔
پھر اسے ڈش میں نکال کر مکھن ڈال دیں۔
اب اوپر سے گارنشنگ کے لیے پودینہ ڈال کر گرم گرم سرو کریں۔
0
20
