کراچی:مرغی اور اس کے گوشت کی قیمت میں غیرمعمولی اورغیرقانونی اضافہ کردیا گیا، کمشنر کراچی اور مرغی فروش آمنے سامنے آگئے۔
کمشنر کراچی سید حسن نقوی نے زندہ مرغی کی قیمت میں اضافے کا نوٹس لےلیا ہے، کمشنر نے مرغی کے آڑھتیوں، ہول سیلرز اور ریٹیلرز کو اپنے دفتر طلب کرلیا، سید حسن نقوی نے مرغی فروشوں کو زندہ مرغی 400 روپے کلو فروخت کرنے کی ہدایت کردی۔
سرکاری قیمت کی خلاف ورزی کرنے والوں کیخلاف قانونی کارروائی کی جائے گی، ہول سیلرز نے مرغی کی فروخت پر منافع 12 سے بڑھا کر 22 روپے کرنے کا مطالبہ کیا ہے۔
مرغی ہول سیلرز کا کہنا ہے کہ زندہ مرغی صر ف 12 روپے منافع پر نہیں فروخت کرسکتے ہیں، پولٹری فارمرز کے مطابق بجٹ میں مرغی کی خوراک پرٹیکس کی وجہ سےقیمتوں میں اضافہ ہواہے۔
پولٹری فارمرز نے کہا کہ مرغی کی قیمت کا تعین طلب اور سپلائی پر ہوتا ہے، قیمتوں میں اضافہ بجٹ میں پولٹری فیڈ کی قیمتوں میں عائد ٹیکسز کی وجہ سے ہوا ہے۔