لاہور : مرغی کے گوشت کی قیمتوں میں 86 روپے فی کلو کا اضافہ کردیا گیا، جس سے غریبوں کی مشکلات میں مزید اضافہ ہوگیا۔
تفصیلات کے مطابق پولٹری مصنوعات کی قیمتوں میں اضافہ ہونے لگا، گزشتہ روز 37 جبکہ یکم محرم الحرام پر 49 روپے فی کلو کا اضافہ کردیا گیا۔
صرف دو روز میں مرغی کے گوشت کی قیمتوں میں 86 روپے فی کلو کا اضافہ کردیا گیا، صارفین کا کہنا ہے کہ وہ تو پہلے سے ہی مہنگائی سے تنگ تھے، اب چکن کے گوشت کی قیمتوں میں اضافہ نے غریبوں کی مشکلات میں مزید اضافہ کردیا ہے۔
- Advertisement -
مرغی فروشوں نے چکن کے گوشت کی قیمت میں اضافے کو مصنوعی قرار دیتے ہوئے فارمز کو ذمہ دار ٹھہرایا ہے۔
عوام کا کہنا ہے کہ جب بھی رمضان، عید اور محرم الحرام سمیت کوئی بھی اہم موقع آتا ہے تو اشیاء ضروریہ کی قیمتوں میں اضافہ کردیا جاتا ہے۔
