غیر ضروری جرمانوں اور گرفتاریوں کے خلاف پولٹری شاپ کیپرز، ریٹیلرز اور ہول سیلرز ایسوسی ایشن نے آج کراچی میں ہڑتال کا اعلان کیا ہے۔
اے آر وائی نیوز کے مطابق کراچی میں آج مرغی فروخت نہیں ہوگی کیونکہ پولٹری شاپ کیپرز، ریٹیلرز اور ہول سیلرز ایسوسی ایشن نے آج کراچی میں ہڑتال کا اعلان کیا ہے۔
ہول سیل پولٹری ایسوسی ایشن کے مطابق یہ فیصلہ غیر ضروری جرمانوں اور گرفتاریوں کے خلاف کیا گیا ہے۔
- Advertisement -
ترجمان پولٹری ایسوسی ایشن کا کہنا ہے کہ انتظامیہ زمینی حقائق جانے بغیر ریٹ لسٹ جاری کرتی ہے جس پر مرغی فروخت کرنا نا ممکن ہے جب کہ بعد ازاں کارروائی کرتے ہوئے انتطامیہ دکانداروں کو جرمانے کرنے کے ساتھ ساتھ جیل بھیج دیتی ہے۔
سندھ بلوچستان پولٹری ایسوسی ایشن نے مطالبہ کیا ہے کہ انتظامیہ روزانہ کی بنیاد پر مرغی کی سرکاری قیمت جاری کرے۔
