ہفتہ, جون 22, 2024
اشتہار

چیف جسٹس نے فیصل واوڈا کی پریس کانفرنس کی تفصیلات طلب کر لیں

اشتہار

حیرت انگیز

اسلام آباد : چیف جسٹس قاضی فائز عیسیٰ نے فیصل واوڈا کی پریس کانفرنس کی تفصیلات طلب کر لیں اور کہا نام لے کر مجھے کہیں ادارے کو نشانہ بنانے کی اجازت نہیں دیں گے۔

تفصیلات کے مطابق سابق وزیر فیصل واوڈاکی پریس کانفرنس پرازخودنوٹس کی سپریم کورٹ میں سماعت ہوئی۔

چیف جسٹس کی سربراہی میں 3رکنی بینچ نے سماعت کی، جسٹس عرفان سعادت خان اورجسٹس نعیم اخترافغان بینچ میں شامل ہیں۔

- Advertisement -

چیف جسٹس نے فیصل واوڈا کی پریس کانفرنس کی تفصیلات طلب کر لیں اور ریمارکس دیئے شفافیت لانےکی کوشش کی اپنے اختیارات کم کئے ، بندوق اٹھانےوالا اور گالی دینے والا کمزور ترین شخص ہوتے ہیں۔

جسٹس قاضی فائز عیسیٰ کا کہنا تھا کہ جس کے پاس دلیل ختم ہو وہ بندوق اٹھاتا ہےیا گالی دیتا ہے، ایک کمشنر صاحب اٹھے اور کہا میں نے انتخابات میں دھاندلی کروائی ، بھئی بتائیں توچیف جسٹس کیسے دھاندلی کرا سکتا ہے۔

چیف جسٹس پاکستان نے ریمارکس دیے مہذب معاشروں میں ایسےالزامات نہیں لگائے جاتے، میری جانب سےنظراندازکرنےکا فائدہ اٹھاتےہوئےسوچاکہ ہم بھی تقریرکرلیں، برا کیا ہے تو نام لے کر مجھے کہیں ادارے کو نشانہ بنانے کی اجازت نہیں دیں گے۔

جسٹس قاضی فائز عیسیٰ نے مزید کہا کہ ادارے عوام کے ہوتے ہیں، اداروں کو بدنام کرنا ملک کی خدمت نہیں۔

ایڈیشنل اٹارنی جنرل عامر رحمان عدالت میں پیش ہوئے ، چیف جسٹس نے استفسار کیا کیا آپ نے فیصل واڈا کی پریس کانفرنس سنی ، جس پر ایڈیشنل اٹارنی جنرل نے بتایا مجھ تک مکمل ویڈیو ابھی نہیں پہنچی ، کچھ حصہ خبروں میں سنا ہے۔

جسٹس قاضی فائز عیسیٰ نے سوال کیا کہ کیا یہ پریس کانفرنس توہین عدالت کے زمرے میں آتی ہے ، کوئی مقدمہ اگر زیر التوا ہوتو اس پر رائے دی جاسکتی ہے ، اس سے کہیں زیادہ باتیں میرے خلاف کی گئیں ، لیکن کیا آپ اداروں کی توقیر کم کرنا شروع کردیں گے۔

چیف جسٹس نے کہا کہ اگر میں نے کچھ غلط کیا تو مجھے کہیں عدالت کو نہیں ، وکلا ججز اور صحافیوں سب میں ا چھے برے لوگ ہوتے ہیں ، ہوسکتا ہے میں نے بھی اس ادارے میں 500 نقائص دیکھےہوں، باپ کے گناہ کی ذمہ داری بیٹے کو نہیں دی جاسکتی ، کیا ایسی باتوں سے آپ عدلیہ کا وقار کم کرنا چاہتے ہیں۔

گذشتہ روز سپریم کورٹ آف پاکستان نے سابق وفاقی وزیر و سینیٹر فیصل واوڈا کی جانب سے گزشتہ روز کی گئی پریس کانفرنس پر ازخود نوٹس لیا تھا۔

فیصل واوڈا نے پریس کانفرنس میں اسلام آباد ہائی کورٹ کے ججز کو تنقید کا نشانہ بنایا تھا۔

Comments

اہم ترین

راجہ محسن اعجاز
راجہ محسن اعجاز
راجہ محسن اعجاز اسلام آباد سے خارجہ اور سفارتی امور کی کوریج کرنے والے اے آر وائی نیوز کے خصوصی نمائندے ہیں

مزید خبریں