اسلام آباد : چیئرمین نیب قمرالزمان چودھری نے چیف جسٹس انورظہیرجمالی سے ملاقات کی اور سالانہ کارکردگی سے آگاہ کیا۔
تفصیلات کے مطابق چیئرمین نیب قمرالزمان نے چیف جسٹس سپریم کورٹ آف پاکستان انور ظہیر جمالی سے ان کے چیمبر میں ملاقات کی۔
اس موقع پر انہوں نے جسٹس انور ظہیر کو نیب کی سالانہ کارکردگی رپورٹ پیش کی اور نیب کی کارکردگی سے آگاہ کیا۔
ذرائع کے مطابق ملاقات کے دوران نیب میں سیاسی رہنماؤں پر قائم مقدمات سے متعلق بات چیت کی گئی۔ ملاقات میں کرپشن کیسز سے متعلق اہم امور پر بھی تبادلہ خیال کیا گیا۔
دوسری جانب سپریم کورٹ آمد کے موقع پر صحافیو ں نے چیئرمین نیب سے سوال کیا کہ شریف برادران کے مقدمات کا کیا بنا؟ باربارتوسیع کیوں ہو رہی ہے تو چیئرمین نیب صحافیوں کے سوالات کے جواب میں مسکراکے چل دیئے اور کہا کہ جمعہ نماز کا وقت ہو گیا ہےنماز پڑھیں۔
