اسلام آباد : چیف جسٹس عطا بندیال نے دوران سماعت اعظم سواتی سے کہا کہ آپ کےمعاملے پرعدالت اس وقت کچھ نہیں کرسکتی،آپ بہادر بنیں، پتہ نہیں آپ کے کون کون اور کتنے دشمن ہوں۔
تفصیلات کے مطابق سپریم کورٹ میں عمران خان توہین عدالت کیس میں دوران سماعت چیف جسٹس نے اعظم سواتی کو مخاطب کرتے ہوئے کہا اعظم سواتی صاحب آپکے معاملے پرعدالت اسوقت کچھ نہیں کرسکتی، پہلے ہیومن رائٹس سیل کی رپورٹ آجائے پھر ہم آگے بڑھیں گے۔
چیف جسٹس پاکستان نے ریمارکس دیئے کہ سچ جاننا آج کل بہت مشکل ہوچکا ہے، آج کل جھوٹ تہہ کے نیچے دبا ہوا ہوتا ہے، عدالت کے پاس مواد ہونا چاہیے تاکہ سوالات کےجواب مل سکیں۔
اعظم سواتی یہ بتاتے ہوئے آبدیدہ ہوگئے کہ جو ویڈیو اہلخانہ کو بھیجی گئی وہ ججز کے علاوہ کسی کو دکھا نہیں سکتا۔
جسٹس عطا بندیال نے کہا کہ ویڈیو کسی کو دکھانے کی ضرورت نہیں،متعلقہ اداروں کو کہیں گے ویڈیو انٹرنیٹ سے ہٹا دیں، چیف جسٹس
چیف جسٹس کا کہنا تھا کہ فی الحال یہ معاملہ ایچ آرسیل کو دیکھنےدہر شہری کے بنیادی حقوق کا تحفظ کریں گے ، معاملہ کو مواد آنے تک میچور ہونے دیں۔
چیف جسٹس آف پاکستان نے مزید کہا کہ پلیز اعظم سواتی صاحب بہادر بنیں، پتہ نہیں آپ کے کون کون اور کتنے دشمن ہو۔
