کراچی : چیف میٹرولوجسٹ سردارسرفراز نے کراچی میں موسم کی صورتحال کے حوالے سے شہریوں اچھی خبر سنادی۔
تفصیلات کے مطابق چیف میٹرولوجسٹ سردار سرفراز نے کراچی میں شدید گرمی کی لہر کے حوالے سے کہا ہے کہ کراچی میں ہیٹ ویو جیسا ابھی ختم نہیں ہوا، جزوی ہیٹ ویوو اگلے دو روزتک جاری رہے گی۔
سردار سرفراز کا کہنا تھا کہ ہواؤں کا رُخ تبدیل ہونے سے گرمی کی شدت بڑھ گئی، دو روز بعد درجہ حرارت میں کمی کا امکان ہے۔
انھوں نے مزید بتایا کہ جولائی کے پہلے ہفتے سے مون سون بارشیں شروع ہونے توقع ہے، کراچی سمیت سندھ کے کچھ اضلاع میں معمول سے زیادہ بارشیں ہوسکتی ہیں۔
کراچی میں موجودہ درجہ حرارت 41 ڈگری سینٹی گریڈ ہے اور گرمی کی شدت پینتالیس سینٹی گریڈ تک محسوس کی جارہی ہے۔
محکمہ موسمیات کے مطابق کہ شہر قائد میں آئندہ تین روز کے دوران درجہ حرارت اکتالیس تک جانےکاامکان ہے اور گرمی کی شدت 48 سے 50 ڈگری تک محسوس کی جائے گی ، سمندری ہوائیں معطل رہنے کے باعث حبس کی کیفیت بھی ہوگی۔
