لاہور: وزیراعلیٰ پنجاب عثمان بزدار نے ایک بار پھر اپوزیشن کو آڑے ہاتھوں لیتے ہوئے کہا کہ اپوزیشن نے ذاتی مفادات کی خاطر قومی مفادات کو زک پہنچائی۔
تفصیلات کے مطابق اپنے بیان میں وزیراعلیٰ پنجاب سردار عثمان بزدار نے اپنے بیان میں ایک بار پھر اپوزیشن کو تنقید کا نشانہ بنایا اور کہا کہ ترقی کے سفر میں رکاوٹ ڈالنے والوں کو ہر موقع پر ناکامی ہوئی، وزیراعظم عمران خان کی قیادت میں لوٹ مار کےکلچر کو دفن کیاہے۔
وزیراعلیٰ پنجاب نے کہا کہ ماضی میں سیاست کو بینک بیلنس بڑھانے کیلئے استعمال کیا گیا، اپوزیشن نےذاتی مفادات کی خاطرقومی مفادات کوزک پہنچائی۔
- Advertisement -
سردار عثمان بزدار کا کہنا تھا کہ کرونا اور دیگر اہم ایشوز پر اپوزیشن نےمنفی کردار ادا کیا، اپوزیشن کا منفی کردار کبھی بھی اچھے الفاظ میں یاد نہیں رکھاجائےگا۔
