لاہور: وزیراعلیٰ پنجاب چوہدری پرویز الٰہی آئندہ ہفتے اعتماد کا ووٹ لیں گے۔
ذرائع کے مطابق 2 جنوری کو پی ٹی آئی اور ق لیگ کا مشترکہ پارلیمانی اجلاس بلانے کا فیصلہ کیا گیا ہے، پارلیمانی اجلاس میں تمام ممبران کی حاضری یقینی بنائی جائے گی۔
ذرائع نے بتایا کہ پی ٹی آئی نے بیرون ملک ممبران کو بھی فوری پاکستان پہنچنے کی ہدایت جاری کردی ہے، پارلیمانی پارٹی اجلاس میں اعتماد کا ووٹ لینے کے متعلق حکمت عملی طے کی جائے گی۔
واضح رہے کہ دوسری جانب وزیراعلیٰ کی جانب سے لاہور ہائیکورٹ کو 11جنوری تک اسمبلی تحلیل نہ کرنےکی یقین دہائی کرائی گئی ہے۔
وزیراعلیٰ پنجاب کوگورنر پنجاب کی طرف سے اعتمادکا ووٹ لینے کا کہاگیا تھا، وزیراعلیٰ پنجاب کو اعتمادکے ووٹ کے لیے 186 ارکان کی ضرورت ہے۔
