وزیراعلیٰ سندھ نے تمام اسکول کے بچوں کو پولیوویکسین کرنا لازمی قرار دے دیا
The news is by your side.

Advertisement

وزیراعلیٰ سندھ نے تمام اسکول کے بچوں کو پولیوویکسین کرنا لازمی قرار دے دیا

کراچی : وزیراعلیٰ سندھ مراد علی شاہ نے تمام اسکول کے بچوں کو پولیوویکسین کرنا لازمی قرار دے دیا اور کہا جواسکول بچوں کوویکسین سے انکاری ہوگا کارروائی کی جائے گی۔

تفصیلات کے مطابق وزیراعلی سندھ کی زیرصدارت انسدد پولیو ٹاسک فورس کا اجلاس ہوا، اجلاس میں وزیر صحت عذرہ پیچوہو، چیف سیکریٹری سندھ اور دیگر افسران نے شرکت کی۔

اجلاس میں مراد علی شاہ نے تمام اسکولوں میں بچوں کو پولیو ویکسین کے احکامات جاری کر دیئے جبکہ ویکسین سے انکار کرنے والے اسکول کیخلاف کارروائی کا فیصلہ کیا گیا ہے۔

وزیراعلی نے کہا سندھ حکومت پولیو کے خاتمے کیلئے بھرپور اقدامات کررہی ہے۔

اجلاس کو بریفنگ میں بتایا گیا کہ سندھ میں گزشتہ سال ایک پولیو کیس کراچی میں سامنے آیا تھا، ماحولیاتی نمونوں سے معلوم ہوا ہے کہ کراچی میں سہراب گوٹھ، مچھر کالونی،خمیسو گوٹھ، محمد خان کالونی،اورنگی نالہ اور ہجرت کالونی میں وائرس موجود ہے جبکہ نیو سکھر میں بھی پولیو وائرس پایا گیا ہے۔

بریفنگ میں بتایا گیا جنوری تک88 ہزار 472 بچے پولیو ویکسین کیلئے گھروں پر موجود نہیں تھے جبکہ 86 ہزار سے زائد والدین نے ویکسین لینے سے انکار کیا۔

وزیراعلیٰ نے چیف سیکریٹری کو ہفتہ وار رپورٹ لینے کی ہدایت کر دی۔

بڑھتی آبادی سے وسائل کم ہو رہے ہیں،وزیراعلیٰ سندھ


دوسری جانب پاپولیشن ٹاسک فورس کے اجلاس میں وزیراعلیٰ سندھ کا کہنا تھا کہ آخری مردم شماری سےثابت ہواآبادی بڑھنےکی شرح 2.4 فیصد ہے، پاکستان کی آبادی 207.8 ملین جبکہ سندھ کی آبادی 47.8 ملین ہے۔

وزیراعلیٰ سندھ نے کہا ہم سمجھتے ہیں سندھ کی آبادی کم دکھائی گئی ہے، بڑھتی آبادی سے وسائل کم ہو رہے ہیں ، روزگار ، صحت ، تعلیم، کھاد خوراک اور گھر وں کی کمی ہوسکتی ہے۔

ان کا مزید کہنا تھا کہ آبادی اور اپنے کل ذرائع میں توازن پیدا کرنا بہت ضروری ہے۔

Comments

comments

یہ بھی پڑھیں