وزیراعلیٰ عثمان بزدار کا پنجاب کےکسانوں کیلئے بڑا فیصلہ سامنے آ گیا۔
ٹوئٹر پر جاری بیان میں وزیراعلیٰ عثمان بزدار نے کہا کہ اس سال گنے کی فصل کے لیے ہم نے کم از کم قیمت 225 روپے فی من رکھنے کا فیصلہ کیا ہے۔
انہوں نے کہا کہ 2018 تک گنے کے کاشتکار کو 180 روپے کی سرکاری قیمت کی بجائے 110-120 روپے ملتے تھے، اور وہ بھی کئی کئی ماہ بعد دیے جاتے تھے ہماری پالیسیز کی وجہ سے کاشتکاروں کو 3 سال میں فصل کا بہترین اور بروقت معاوضہ ملا۔
- Advertisement -
وزیراعلیٰ نے کہا کہ ہم نے شوگر ملوں سے پچھلے ادوار کے اربوں روپے کے بقایا جات بھی کسانوں کو واپس دلوائے، فصل کے معاوضے کی "بنک اکاؤنٹ کے ذریعے ادائیگی” کا قانون بھی بروقت اور کٹوتی کے بغیر ادائیگییوں کو یقینی بنائے گا۔
ان کا کہنا تھا کہ کاشتکاروں کےحقوق کا تحفظ اور ان کی خوشحالی تحریک انصاف حکومت کی اولین ترجیح ہے۔
