کراچی : پانچویں چیف آف دی نیول اسٹاف اوپن شوٹنگ چیمپئن شپ میں پاک بحریہ نے پانچویں مرتبہ بھی ایونٹ اپنے نام کرلیا، تقریب کےمہمان خصوصی کمانڈر کوسٹ وائس ایڈمرل محمد فیاض جیلانی تھے۔
تفصیلات کے مطابق کراچی میں پانچویں چیف آف دی نیول اسٹاف اوپن شوٹنگ چیمپئن شپ کی اختتامی تقریب کا انعقاد کیا گیا۔
اس حوالے سے ترجمان پاک بحریہ کا کہنا ہے کہ چیمپئن شپ کی اختتامی تقریب کے مہمان خصوصی کمانڈر کوسٹ وائس ایڈمرل محمد فیاض جیلانی تھے۔
مذکورہ چیمپئن شپ23سے29ستمبر تک پاکستان نیوی شوٹنگ رینج کراچی میں جاری رہی، جس میں مرد و خواتین اور نوجوانوں کی کیٹیگریز میں400سے زائد شوٹرز نے اپنی صلاحیتوں کے جوہر دکھائے۔
ترجمان پاک بحریہ کے مطابق چیمپئن شپ میں افواج پاکستان کے علاوہ صوبائی ٹیموں نے بھی حصہ لیا، جس میں ایچ ای سی، واپڈا، ایف آراے، سندھ رینجرز اور اے ایس ایف شامل ہیں۔
دلچسپ مقابلوں کے بعد مصنفین نے کو فاتح قرار دیا، یاد رہے کہ اس سے قبل بھی پاک بحریہ پانچ مرتبہ یہ ایونٹ اپنے نام کرچکی ہے۔
