The news is by your side.

Advertisement

2 سال کی عمر میں اغوا کیا جانے والا بچہ 32 سال بعد بازیاب

بیجنگ: چین میں ایک ہوٹل کے باہر سے اغوا کیا جانے والا بچہ بالآخر 32 سال بعد والدین کو مل گیا۔

غیرملکی خبررساں ادارے کی رپورٹ کے مطابق چین میں 32 سال قبل 1988 میں بچے ماؤ ین کو ایک ہوٹل کے باہر سے اغوا کیا گیا تھا اور اس وقت بچے کی عمر 2 برس تھی، اغوا کیے جانے کے بعد اس لڑکے کو ایک بے اولاد جوڑے کو فروخت کردیا گیا تھا جس نے اس کی اپنی اولاد کی طرح پرورش کی۔

پولیس کو رواں ماہ اپریل میں مگوی کے حوالے سے کچھ اطلاعات موصول ہوئیں کہ چینی صوبے سیچوان سے تعلق رکھنے والا بچہ 1988 میں ایک بچہ لے کر آیا تھا جس پر پولیس نے تحقیقات شروع کیں، پولیس نے کارروائی کرتے ہوئے پہلے مغوی کو بازیاب کیا اور تصدیق کی کہ اسی بچے کو ہوٹل کے باہر سے اغوا کیا گیا تھا۔

پولیس نے بازیابی کے بعد اسے والدین سے ملانے کے لیے چہرہ شناخت کرنے والی ٹیکنالوجی اور ڈی این اے کا سہارا لیا۔

پولیس کے مطابق مغوی کی بچپن کی تصاویر جمع کی گئیں اور والدین کی تلاش کے لیے نیشنل ڈیٹا بیس سینٹر سے مدد لی جس کے بعد پولیس نے اس 32 سالہ مغوی کو اس کے والدین کے حوالے کیا جنہوں نے اپنے بچے کی تلاش کے لیے دن رات ایک کردی تھی۔

مغوی بیٹے سے برسوں بعد ملنے والے والدین جذبات پر قابو نہ رکھتے ہوئے آبدیدہ ہوگئے، اس موقع پر والدہ کا کہنا تھا کہ انہوں نے اپنے بیٹے کی تلاش کے لیے نوکری چھوڑ دی اور حکام کو ایک لاکھ سے زائد خطوط بھیجے جبکہ کئی مرتبہ متعدد ٹی وی چینلز پر اپنے بچے کی واپسی کے لیے اپیل کی۔

fb-share-icon0
Tweet 20

Comments

comments

یہ بھی پڑھیں