بھارت کے شہر حیدرآباد کے نیلوفر اسپتال سے نا معلوم خاتون ایک ماہ کے بچے کو اغوا کرکے فرار ہوگئی۔
بھارتی میڈیا رپورٹس کے مطابق ظہیرآباد سے تعلق رکھنے والی حسینہ بیگم کا شیر خوار بچہ بیمار تھا، جسے وہ اسپتال میں علاج کی غرض سے لائیں تھیں۔ شیرخوار کے ساتھ اس کی ماں اور نانی دونوں موجود تھے۔
حسینہ بیگم اپنے بچے کو اپنی ماں کے پاس چھوڑ کر ضروری کام سے گئی کہ اس دوران ایک اجنبی خاتون وہاں پہنچی اور علاج کیلئے ڈاکٹروں کی جانب سے بچے کو طلب کرنے کا بہانہ کرکے بچے کو لے کر فرار ہوگئی، کافی دیر تک خاتون کے واپس نہ آنے پر لڑکے کی ماں اور نانی کو شک ہوا۔
بچے کی ماں اور نانی نے بچے کی تلاش شروع کردی مگر وہ نہ ملا، جس پر انھوں نے نامپلی پولیس سے رابطہ کرکے اس سلسلے میں شکایت درج کروائی، پولیس کی جانب سے تحقیقات کا آغاز کردیا گیا ہے۔
اس سے قبل بھی بھارت کے شہر حیدرآباد میں سرکاری میٹرنٹی اسپتال سے ایک نومولود بچے کو اغوا کرنے کی کوشش کے الزام میں پولیس نے ایک خاتون کو حراست میں لیا تھا۔ گرفتار کی گئی ملزمہ کی شناخت 45 سالہ عسکری بیگم کے طور پر کی گئی، جو گھریلو ملازمہ ہے۔
پولیس کے مطابق خاتون کا تعلق حیدرآباد کے رین بازار سے ہے، اسپتال کی سپرنٹنڈنٹ جے انورادھا کی شکایت پر خاتون کر گرفتار کیا گیا۔
دوست کو شادی کا تحفہ دیتے ہوئے نوجوان اسٹیج پر گر کر ہلاک، ویڈیو وائرل
پولیس کا کہنا ہے کہ جس وقت خاتون کو حراست میں لیا گیا وہ ایک نومولود بچے کو اغواء کرنے کی کوشش میں مصروف تھی۔
