پولیس نے کمسن بچوں کے خلاف جائیداد ہتھیانے کا مقدمہ درج کرلیا -
The news is by your side.

Advertisement

پولیس نے کمسن بچوں کے خلاف جائیداد ہتھیانے کا مقدمہ درج کرلیا

لاہور: پولیس نے تین کم سن بچوں کے خلاف پراپرٹی کی جعلی دستاویزات بنانے اور جائیداد پر قبضہ کرنے کا مقدمہ درج کرلیا۔

تفصیلات کے مطابق لاہور کے علاقے شاہدرہ میں پولیس نے دو کمسن بھائیوں اور ان کے کزن کے خلاف جائیداد پر قبضہ کا مقدمہ درج کیا ‘ ان بچوں میں پانچ سالہ علی احمد ، چار سالہ حسیب احمد اور بارہ سالہ شعیب حسن شامل ہیں ۔

پولیس نے محمد آصف نامی شخص کی درخواست پر مقدمہ درج کیا‘ جس میں مدعی کا کہنا ہے کہ ان بچوں نے اپنے والد کے ساتھ جعلی دستاویزات بنا کر اس کے مکان پر قبضہ کر لیا ہے ۔

جب بچے عدالت کے سامنے پیش ہوئے تو عدالت نے پولیس پر اظہار برہمی کرتے ہوئے قرار دیا کہ پولیس آنکھیں بند کر کے سوئی رہتی ہے اور رشوت لے کر مقدمات درج کرتی ہے۔

عدالت نے انکوائری افسر سے سوال کیا کہ یہ معصوم بچے جعلی دستاویزات بنا کر کسی کی جائیداد پر قبضہ کر سکتے ہیں؟‘ عدالت نے صورتحال کی وضاحت کے لیے متعلقہ ایس پی اور ایس ایچ او کو طلب کر لیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں