قاہرہ : مثل مشہور ہے کہ جسے اللہ رکھے اسے کون چکھے کے مصداق مصر میں پولیس اہلکار نے تیسری منزل سے گرنے والے پانچ سالہ بچے کو کیچ کرکے زخمی ہونے سے بچالیا۔
تفصیلات کے مطابق مصرمیں پولیس اہلکار کی حاضر دماغی نے بچے کی جان بچا لی، قاہرہ میں واقع ایک عمارت کی تیسری منزل کی بالکونی سے گرنے والے بچے کو بچانے کی تدابیر کی جارہی تھیں کہ اس دوران بچہ گرگیا۔
بچے کو بہادر اہلکار نے لپک کر کیچ کر لیا، اوپر سے گرنے والا بچہ اہلکار کے منہ پر آگر گود میں آگیا، اہلکار نے خود گرنے کے باوجود بچے کو بچا لیا، واقعے میں پولیس اہلکار کو چہرے پر کافی گہری چوٹ بھی آئی جسے طبی امداد کیلئے فوری طور پر اسپتال منتقل کردیا گیا۔
بعد ازاں واقعے کی ویڈیو سی سی ٹی وی کیمرے میں عکس بند ہونے کے بعد سوشل میڈیا پر وائرل ہوئی تو مصر کی وزارت داخلہ نے مذکورہ پولیس اہلکار کی بروقت کارروائی اور بچے کی جان بچانے کو قابلِ تحسین اقدام قرار دیا۔
