لاہور: شالامار لنک روڈ کے قریب چائلڈ پروٹیکشن بیوروکے دفتر میں آگ لگنے سے سارا ریکارڈ جل کر راکھ ہوگیا،تاہم کوئی جانی نقصان نہیں ہوا.
تفصیلات کے مطابق لاہور کے علاقے شالامار لنک روڈ ک قریب چائلڈ پروٹیکشن آفس کے ریکارڈ روم میں شارٹ سرکٹ کے باعث آگ لگ گئی، جس پر دس سے زائد فائر بریگیڈ کی گاڑیوں نے آدھے گھنٹے کی جدو جہد کے بعد قابو پالیا.
آ گ لگنے سے کوئی جانی نقصان نہیں ہوا لیکن ریکارڈ روم میں موجود تمام ریکارڈ جل کر راکھ ہوگیا.
چائلڈ پروٹیکشن بیورو کی انتظامیہ نے سنیئر افسران کے حکم پر میڈیا کو چائلڈ پروٹیکشن بیورو کے دفترمیں داخل ہونے اور کوریج سے روک دیا.
انتظامیہ نے میڈیا کے نمائندگان سے بدتمیزی کی اورمیڈیا کو اُن کے کام سے روکا،تاہم چائلڈ پروٹیکشن کی چیئرپرسن صباح صادق نے میڈیا کو کوریج سے روکنے کے احکامات جاری کرنے سے ہی انکار کردیا.
0
20
