بھارت کی ریاست چھتیس گڑھ میں افسوسناک واقعہ پیش آیا جہاں شیر خوار بچہ اپنے والد کے ہاتھوں سے حادثاتی طور پر پھسل کر تیسری منزل سے نیچے گر گیا۔
میڈیا رپورٹس کے مطابق سوشل میڈیا پر ایک شاپنگ مال کی سی سی ٹی وی فوٹیج زیرِ گردش ہے جس میں کمسن بچہ تیسری منزل سے گر کر ہلاک ہوگیا۔
فوٹیج میں دیکھا جا سکتا ہے کہ والد اپنے بچے کو گود میں اٹھائے تیسری منزل کے کنارے پر کھڑا ہے اور اس دوران معصوم ہاتھوں سے پھسل جاتا ہے۔
- Advertisement -
بچہ تقریباً 40 فٹ کی بلندی سے زمین پر گرا اور موقع پر ہی دم توڑ گیا۔ بچے کو فوری طور پر اسپتال منتقل کیا گیا جہاں ڈاکٹروں نے معصوم کی موت کی تصدیق کی۔
