ممبئی : بالی ووڈ معروف اداکاروں کے بچوں سوہانا خان، خوشی کپور اور اگستیہ نندا نے اپنے بڑے پردے کے ڈیبیو کی شوٹنگ شروع کردی ہے، سیٹ کی تصاویر سوشل میڈیا پر وائرل ہوگئیں۔
بھارتی میڈیا کے مطابق انڈین اسٹارز کے تین بچوں کا اگلا گروپ سلور اسکرین پر ڈیبیو کرنے کے لیے تیار ہے۔ یہ فلم مشہور آرچی کامک ورلڈ کا "دیسی” ری میک ہے اور اسٹار کاسٹ میں نئی آنے والی سوہانا خان، خوشی کپور اور اگستیہ نندا شامل ہیں۔
اس سلسلے میں سپر اسٹار شاہ رخ خان کی بیٹی سوہانا خان اور خوشی کپور جو کہ مقبول "کپور خاندان” میں سب سے چھوٹی اور جھانوی کپور کی بہن جبکہ اگستیہ نندا جو ابھیشیک بچن کے بھتیجے اور بگ بی کے پوتی ہیں، بالی ووڈ کے سینیئر اور تجربہ کار اداکار امیتابھ بچن نے اپنے پہلے پروجیکٹ کی شوٹنگ کا آغاز کردیا ہے۔
میڈیا رپورٹس کے مطابق فلم کی ڈائریکٹر بالی ووڈ کی مشہور ہدایت کارہ زویا اختر ہیں جو "زندگی نہ ملے گی دوبارہ” اور”گلی بوائے”جیسے پروجیکٹس کے لیے جانی جاتی ہیں۔
ذرائع کا کہنا ہے کہ ان اسٹار بچوں، سوہانا، خوشی، اور آگستیہ کو آرچی اینڈریوز، ویرونیکا لاج اور بٹی کوپر کے بہت پسند کیے جانے والے مرکزی کردار ادا کرنے کے لیے تیار کیا گیا ہے اور تینوں نے باقاعدہ اس سفر کا آغاز کردیا ہے۔
سیٹ سے پہلی ہی لیک ہونے والی تصاویر سوشل میڈیا پر تیزی سے وائرل ہوگئیں تاہم صارفین فلم کی کاسٹ سے زیادہ مطمئن نظر نہیں آتے، بالی ووڈ پر تنقید کرتے ہوئے ان کا کہنا ہے کہ کاسٹ میں اقرباء پروری کو فروغ دیا گیا ہے۔
کاسٹ کے علاوہ کئی سوشل میڈیا صارفین نے ڈائریکٹر زویا اختر پر بھی تنقید کی، انہوں نے ان کا موازنہ ہدایت کار کرن جوہر سے کیا جو اقرباء پروری کیلئے انڈسٹری کی مشہور شخصیات کے خاندانوں میں سے نئے اداکاروں کو متعارف کرانے کے لیے جانے جاتے ہیں۔
