لاڑکانہ: بھارتی جارحیت نے پاکستان کے 2 معصوم بچوں کی زندگیاں داؤ پر لگادی ہیں، دونوں بچوں کی حالت تشویشناک ہوچکی ہے۔
بھارت سے واپس بھیجے گئے دل کی تکلیف میں مبتلا دونوں بچوں کے والد شاہد شیخ نے بتایا کہ دونوں بچے دل کی تکلیف میں مبتلا ہیں، حالت تشویشناک ہوچکی ہے، بھارت کے اسپتال میں کچھ دن بچوں کے ٹیسٹ کرانے میں لگے۔
بچوں کے والد شاہد شیخ نے بتایا کہ سرجری سے پہلے ہی پاکستانیوں کے ویزے منسوخ ہونے پر ہمارے بھی منسوخ کردیے گئے۔
پاکستانی تجزیہ کاروں اور صحافیوں کو بھارتی چینلز پر مدعو کرنے پر پابندی
شاہد شیخ نے کہا کہ بچوں کی سرجری کے پیش نظر بھارتی حکام سے اپیلیں کیں لیکن کسی نے نہیں مانی، مجبور والد نے اپیل کی کہ حکومت معاملے کا نوٹس لیکر امریکا سے بچوں کے آپریشن کرائے۔
پہلگام حملے کے بعد بھارت نے اسپتال میں سرجری کیلئے داخل 2 بچوں اور والد کا ویزہ منسوخ کردیا تھا، سرجری سے پہلے ہی بچوں اور ان کے والد کو بھارت بدر کردیا گیا۔
والد شاہد شیخ نے 7 سالہ بیٹی اور 9 سالہ بیٹےعبداللہ کو 21 اپریل کو بھارت کے اسپتال میں داخل کرایا تھا۔
مودی سرکار کی بے حسی : بچوں کے دل کے علاج کیلئے بھارت جانے والی فیملی پاکستان واپس پہنچ گئی
