ہان زونگ : چین کے ایک تفریحی پارک میں جھولا گرنے سے بچوں سمیت 18 افراد زخمی ہوگئے ساتھ کھڑے والدین بے بسی کے عالم میں بچوں کو گرتا دیکھتے رہے۔
چین کے صوبے شانزی کے ایک تفریحی پارک میں گزشتہ روز ایک خوفناک منظر نے دیکھنے والوں کے رونگٹھے کھڑے کردیے۔
اطلاعات کے مطابق یہ واقعہ ہان زونگ کے ایک تفریحی پارک میں27 جولائی کو پیش آیا، بچوں کا جھولا الٹنے اور گرنے سے مجموعی طور پر18 افراد زخمی ہوئے۔
#china's Hanzhong in Shaanxi province Jul 27, #MadeInChina Swing Ride in an amusement park suddenly collapsed with children on board. Panic onlookers fled from the scene. pic.twitter.com/fUrxq0I5bH
— Northrop Gundam ∀ (@GundamNorthrop) July 28, 2022
سوشل میڈیا پر وائرل اس ویڈیو میں دکھایا گیا ہے کہ فروٹ فلائنگ چیئر نامی اس جھولے سے کئی بچے لطف اندوز ہورہے تھے کہ اچانک اس نے زمین کی جانب جھکنا شروع کردیا۔
یہ دیکھ کر جھولے کے باہر کھڑے بچوں کے والدین پر قیامت ٹوٹ پڑی اور وہ بے بسی کے ساتھ وہاں کھڑے مدد کیلئے چیخ و پکار کرتے رہے۔
جھولے میں لگی لمبی لمبی رسیوں سے جڑی نشستیں اپنے مدار میں گھوم رہی تھیں، پہلے رسیاں ٹوٹیں اور پھر چند ہی سیکنڈ میں پورا جھولا زور دار دھماکے سے زمین پر آگرا۔
جائے حادثہ پر چیخ و پکار مچ گئی اور لوگ بچوں کو اٹھانے کیلئے دوڑ پڑے، حادثے میں بچوں سمیت 18 افراد زخمی ہوگئے جنہیں طبی امداد کیلئے فوری طور پر اسپتال منتقل کیا گیا۔