پنجاب کے ضلع لیہ میں ڈاکوؤں نے آنکھوں میں مرچیں جھونکنے والی مثال سچ کر دکھائی اور دکان کا صفایا کر گئے۔
پولیس کے مطابق چوک اعظم کے علاقے فتح پور کے بازار میں ڈاکو دوا لینے کے بہانے میڈیکل اسٹور میں داخل ہوئے۔ 2 ڈاکوؤں نے دکاندار کی آنکھوں میں مرچیں ڈال دیں۔
پولیس کا کہنا ہے کہ ڈاکو نقدی اور موبائل لوٹ کر موٹر سائیکل پر فرار ہوگئے۔
کچھ روز قبل کراچی میں نجی ریسٹورنٹ کے ملازم کے ساتھ بھی ایسی ہی ایک انوکھی واردات کا واقعہ پیش آیا تھا۔
ریسٹورنٹ انتظامیہ کے مطابق ڈاکو نے پہلے ریسٹورنٹ میں فون کر کے آرڈر بک کروایا، بکنگ کے وقت ڈاکو نے بتایا کہ اس کے پاس 5 ہزار روپے کا نوٹ ہے۔
ریسٹورنٹ کی جانب سے فوڈ ڈلیوری بوائے کو 5 ہزار کے نوٹوں کا کھلا دے کر بھیجیے گا۔ ڈلیوری بوائے جب کھانا لے کر پہنچا تو ڈاکو نے اسے مخصوص جگہ رکنے کا کہا۔
شہری پارکنگ میں آرڈر لینے آیا تو اس کے پاس اسلحہ بھی موجود تھا۔ ڈاکو نے ڈلیوری بوائے سے کھانا اور 9 ہزار روپے چھین لیے۔
