The news is by your side.

Advertisement

بن مانس بھی آپس میں رابطہ رکھنے کے لئے جدید ٹیکنالوجی استعمال کرنے لگے

پراگ : چیک ری پبلک ک چڑیا گھر انتظامیہ نے چیمپنزیوں کے آپس میں رابطے کےلیے زوم کال کا اہتمام کردیا تاکہ ان کی روزمرہ زندگی میں بہتری لائی جاسکے۔

زوم ایپلیکیشن کی شہرت میں کرونا وبا کے باعث بے پناہ اضافہ ہوا، کیونکہ وبائی صورتحال پر قابو پانےکےلیے دنیا بھر میں لاک ڈاوٗن ہوگیا تھا، لاک ڈاوٗن کے دوران دفتر امور کی انجام دہی اور تعلیمی سرگرمیاں زوم کال کے ذریعے انجام دی جارہی تھی۔

لیکن اب وسطی یورپی ملک چیک ری پبلک نے چیمپنزیوں کے آپ میں رابطے کےلیے زوم کال کا انتظام کیا ہے۔

چڑیا گھر انتظامیہ کی جانب سے تجرباتی طور پر گزشتہ شب یہ اقدام اٹھایا تاکہ بن مانسوں اور بندروں کی تفریح کا انتظام ہوسکے اور ان کی زندگی میں بہتری لائی جاسکے۔

چڑیا گھر انتظامیہ کا کہنا ہے کہ لاک ڈاون کے دوران بندر اور بن مانس چڑیا گھر بند ہونے کی وجہ سے بوریت کا شکار ہوگئے ہیں، اسی لیے انتظامیہ نے چیمپنزیوں کے پنجرے میں ایک بڑی اسکرین نصب کی ہے جس کے ذریعے بن مانسوں کا دوسرے شہر میں موجود بن مانسوں سے رابطہ کروایا جاسکے۔

Comments

یہ بھی پڑھیں