پاکستان کے دیرینہ دوست اور پڑوسی ملک چین نے 2 ارب ڈالر قرض رول اوور کرنے کی رضا مندی ظاہر کردی۔
ذرائع وزارت خزانہ کے مطابق چین نے پاکستان کے لیے 2 ارب ڈالر کا قرض رول اوور کرنے کی رضا مندی ظاہر کردی ہے یہ قرض میچور ہونے سے قبل رول اوور کر دیا جائے گا۔
ذرائع وزارت خزانہ کا بتانا ہے کہ چین کیجانب سے یہ قرض کو موجودہ شرائط پر رول اوور کیا جائے گا، چین کی جانب سے 2 ارب ڈالر ڈپازٹ پر 2 فیصد سے کم شرح سود عائد ہے۔
ذرائع کا بتانا تھا کہ 2 ارب ڈالر قرض کا میچورٹی ٹائم 23 مارچ 2024 کو مکمل ہو جائے گا جسے اب چین مزید ایک سال کیلئے رول اوور کر رہا ہے۔
واضح رہے کہ نگران وزیراعظم انوارلحق کاکڑ نے چینی وزیراعظم کو خط لکھ کر قرض رول اوور کی درخواست کی تھی، چین کیجانب سے مجموعی طور پر 4 ارب ڈالر قرض سیف ڈپازٹ حاصل کیا ہوا ہے۔
یاد رہے کہ چند روز قبل متحدہ عرب امارات نے بھی پاکستان کے لیے 2 ارب ڈالر کا قرض رول اوور کیا تھا۔
