بیجنگ: بھارت کے ساتھ لائن آف ایکچیؤل کنٹرول پرتنازعے کے باعث چین نے بڑا فیصلہ کیا ہے۔
بین الاقوامی میڈیا رپورٹ کے مطابق چین نے بھارت کےساتھ یادگاری ڈاک ٹکٹ کا اجراءمنسوخ کردیا ہے، یادگاری ٹکٹ کی منسوخی کا اعلان چین کےسرکاری پوسٹ آفس نے کیا ہے، ٹکٹ کا اجرا انیس سو پچاس میں شروع ہونے والے سفارتی تعلقات کی 70ویں سالگرہ پر کیا جانا تھا۔
میڈیا رپورٹ کے مطابق مشترکہ یادگاری ٹکٹ پر چینی صدر اور وزیر اعظم مودی نے گزشتہ برس اکتوبر میں اتفاق کیا تھا، چینی فیصلہ سرحد پر فوجی تعطل متنازع تعلقات کا واضح مظہر ہے۔
چین کے صوبے گانسو کے ایک مشہور مقام موگاؤ غاروں کو ظاہر کرنے والی ایک خصوصی ڈاک ٹکٹ بنایا جانا تھا جس کا مقصد بدھ مت کے پیروکار وں کا دونوں ممالک کے ثقافتی کے بارے میں اگاہی دینا تھا۔
یہ بھی پڑھیں: لداخ کے محاذ پر بھارت کو بڑا دھچکا
رواں سال جون میں لداخ کے سرحدی تنازعے میں دونوں ملکوں میں کشیدگی اور بیس بھارتی فوجیوں کی ہلاکت کے بعد سے چین بھارت تعلقات میں تناؤ مسلسل بڑھ رہا ہے، چینی محکمہ ڈاک کی جانب سے حالیہ اقدام کے اسباب کے بارے میں کوئی وضاحت نہیں کی گئی ہے تاہم مبصرین اسے دونوں ممالک کے تعلقات میں کشیدگی کا تسلسل قرار دیتے ہیں۔
