site
stats
عالمی خبریں

بھارتی ڈرون چین کی فضائی حدود میں گرکرتباہ، چینی میڈیا

بیجنگ : چینی میڈیا کا کہنا ہے بھارتی ڈرون چین کی فضائی حدود میں گر کر تباہ ہوگیا ہے ۔ 

چینی میڈیا کے مطابق ویسٹرن تھیئٹر کامبیٹ بیورو کی ڈپٹی ڈائریکٹر زہنگ شوئلی کا کہنا ہے کہ بھارت نے چینی سرحدی حدود اور خودمختاری کی خلاف ورزی کی، ہم اس کی شدید مخالفت کرتے ہیں۔

زہنگ شوئلی نے کہا کہ بھارتی ڈرون چین میں جاسوسی کے مقصد سے داخل ہوا تھا۔

تاہم بھارتی ڈرون نے کب اور کیسے چین کی حدود کی خلاف ورزی کی ، اس حوالے سے تفصیلات فراہم نہیں کی گئیں۔

دوسری جانب بھارت کی جانب سے تاحال کوئی ردعمل سامنے نہیں آیا ہے۔


مزید پڑھیں :  متنازع سرحدی علاقہ: چین اور بھارت کے درمیان صورتحال کشیدہ


خیال رہے کہ حال ہی میں ہمالیہ تنازع کے باعث بھارت اور چین کے درمیان کشیدگی پیدا ہوگئی تھی اور بھارت نے متنازع سرحدی علاقے ڈوکلام میں اپنی فوج اتار دی تھی، چینی فوج سرحد سے متصل جگہ پر سڑک تعمیر کر نا چاہتی ہے جبکہ بھارت کو خدشہ ہے کہ اگر سڑک کی تعمیر مکمل ہوگئی تو وہ خطے میں چین سے اسٹریٹیجک معاملات میں پیچے رہ جائے گا۔

بعد ازاں اگست کے آخر میں بھارتی فوج نے تنازع ختم کرنے کا فیصلہ کرتے ہوئے فوجی اہلکاروں کو علاقہ خالی کرنے کا حکم دے دیا تھا جبکہ اس حوالے سے بھارتی وزارت خارجہ کا کہنا تھا کہ بیجنگ سے مذاکرات کے بعد ’مفاہمت‘ طے پا گئی ہے۔

خیال رہے کہ بھارت اور چین کے درمیان ریاست آروناچل پردیش کے معاملے پر 1962 میں ایک جنگ ہوچکی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top