The news is by your side.

Advertisement

چین ماحولیاتی آلودگی کے خلاف میدان میں، اہم اعلان کرڈالا

بیجنگ: چین نے ماحولیاتی تحفظ کا بیڑا اٹھاتے ہوئے اس کا سبب بننے والوں کے خلاف اعلان جنگ کردیا ہے۔

غیر ملکی میڈیا رپورٹ کے مطابق چین نے آلودگی پھیلانے کا باعث بننے والوں کیخلاف اپنے کوششیں تیز کرنے کا فیصلہ کیا ہے یہ اس تناظر میں کیا گیا ہے جب حال ہی میں ریاستی کو نسل نے نئی آلودگی کے پھیلاؤ کا باعث بننے والوں پر قابو پانے کے لئے اقدامات کا اعلان کیا ہے۔

ان میں کیڑے مار ادویات جیسے خطرناک کیمیکلز کی تیاری یا استعمال میں پیدا ہونے والی ان نئی طرح کی آلودگی کا باعث بننے والوں میں مستقل نامیاتی آلودگی، صحت کے مسائل اور اینٹی بائیوٹک شامل ہیں۔

حکام کا کہنا ہے کہ اس طرح کی آلودگی سے ماحولیات اور انسانی زندگی کو خطرات لاحق ہو سکتے ہیں، لیکن فی الحال ملک میں اس کا موثر علاج نہیں کیا جاتا،

ماحولیاتی آلودگی سے نمٹنے کے لئے چین نے کچھ بڑے کیمیکلز کی رسک اسکر یننگ کا جائزہ لینے کا فیصلہ کیا ہے، اس مقصد کے لئے متحرک اتھارٹی تشکیل دی جاچکی ہے، جو نئی آلودگی کا با عث بننے والوں کی فہرست جاری کرنے کے ساتھ ساتھ اور اس پر قابو پانے کے لئے اقدامات کا نفاذ کرے گی۔

یہ بھی پڑھیں: کراچی کا ساحل پر ماحولیاتی آلودگی کا خطرہ ٹل گیا

اس کے علاوہ اتھارٹی ان عناصر پر پابندیاں لگا نے اور اس کے اخراج کو بند کر کے، خطرناک کیمیکلز کے رسک منیجمنٹ سے متعلق قوانین کو مزید بہتر کرنے پر کام کریگی، سرکاری دستاویزی فہرست کے اقدامات میں 6چھ شعبے شامل کئے گئے ہیں اس میں نظام بنانے ، تحقیق اور مانیٹرنگ ، صاف پیداوار اور گرین مینوفیکچرنگ اور ٹیکنو لوجیکل مدد شامل ہیں۔

یاد رہے کہ چین آبادی کے لحاظ سے دنیا کا سب سے بڑا ملک اور دوسری سب سے بڑی معیشت بھی ہے، اس کے علاوہ چین سب سے زیادہ ماحولیاتی آلودگی پھیلانے والا ملک بھی ہے، جس کی وجہ اس کی توانائی کی ضروریات ہیں۔

Comments

یہ بھی پڑھیں