چین کے جنوب مغربی علاقوں میں شدید بارشوں اور سیلاب سے رہائشی علاقے زیر آب آگئے جبکہ لینڈ سلائیڈنگ سے سڑکیں بند ہوگئیں۔
بیجنگ سے چینی میڈیا کا اس حوالے سے کہنا ہے کہ شدید بارشوں کے باعث رہائشی علاقے زیر آب آگئے ہیں، جبکہ سڑکوں پر کئی فٹ پانی جمع ہوگیا ہے۔
چینی میڈیا کے مطابق کئی مقامات پر لینڈ سلائیڈنگ سے سڑکیں بند ہوگئی ہیں جبکہ پانی میں پھنسے ہوئے لوگوں کو کشتیوں کے ذریعے نکالنے کی کوششیں جاری ہیں۔
چینی محکمہ موسمیات کے مطابق چین کے جنوبی علاقوں میں اگلے 10 روز تک مزید بارشیں ہونے کا امکان ہے۔
دوسری جانب افغانستان کے شمالی صوبہ بغلان میں بارشوں نے تباہی مچا دی ہے، سیلاب میں 300 سے زیادہ افراد جاں بحق ہو گئے ہیں۔
غیر ملکی میڈیا رپورٹس کے مطابق افغانستان میں سیلاب سے تین سو افراد جاں بحق جب کہ سیکڑوں لاپتا ہو گئے ہیں، اور 1500 مکانات تباہ ہو گئے۔
بنگلہ دیش: آسمانی بجلی گرنے سے 35 کسانوں سمیت 74 ہلاک
ترجمان طالبان ذبیح اللہ مجاہد کا کہنا ہے کہ صوبہ بدخشاں، بغلان اور ہرات سیلاب سے سب سے زیادہ متاثر ہوئے ہیں، اموات کی تعداد میں اضافہ ہو سکتا ہے، مختلف علاقوں میں ریسکیو کا کام جاری ہے۔