بیجنگ: چین کی میزبانی میں فلسطین کی مزاحمتی تحریکیں الفتح اور حماس کے درمیان مصالحتی کوششوں میں کامیاب پیش رفت ہوئی ہے۔
چین کے مرکزی ٹیلی وژن کے مطابق فلسطینی گروپوں نے دارالحکومت بیجنگ میں اکٹھا ہو کر مصالحتی بات چیت کی، حماس کی جانب سے اسماعیل ہنیہ جب کہ الفتح کے نائب سربراہ محمود علول نے اپنی تنظیم کی نمائندگی کی۔
فلسطینی دھڑوں کے مصالحتی اجلاس میں حماس اور الفتح سمیت 14 فلسطینی گروپوں نے شرکت کی، الفتح اور حماس نے مصالحت کے حوالے سے اعلان بیجنگ پر دستخط بھی کیے کہ فلسطین میں امن ہونا چاہیے، ریاست کو مضبوط بنانے کی ضرورت ہے۔
حماس، الفتح اور دیگر فلسطینی گروپوں کے قائدین آج چینی وزیر خارجہ وانگ یی کی موجودگی میں میڈیا نمائندوں سے ملاقات کریں گے، چینی وزارت خارجہ کی ترجمان ہوا چوننگ کے مطابق بات چیت میں الفتح اور حماس کئی موضوعات کو زیر بحث لائے اور ان میں حوصلہ افزا پیش رفت سامنے آئی، دونوں تنظیمیں فلسطینی وحدت کو یقینی بنانے کے لیے بات چیت جاری رکھنے پر متفق ہو گئی ہیں۔
خان یونس میں وحشیانہ اسرائیلی بمباری میں 81 فلسطینی شہید
خیال رہے کہ فلسطینی تنظیمیں حماس اور فتح ایک دوسرے کی حریف ہیں اور ماضی میں ان کے درمیان کئی بار تصادم بھی ہو چکا ہے۔
