چین سے لندن تک ٹرین سروس کا آغاز -
The news is by your side.

Advertisement

چین سے لندن تک ٹرین سروس کا آغاز

بیجنگ: چین نے اپنے صوبے ژی جیانگ سے برطانیہ کے دارالحکومت لندن تک پہلی مال بردار ٹرین سروس کا آغاز کردیا۔ ٹرین براستہ قازقستان، روس، بیلا روس، پولینڈ، جرمنی، بیلجیئم اور فرانس سے لندن جائے گی۔

چینی اخبار کے مطابق 12 ہزار کلومیٹر کا سفر طے کر کے یہ ٹرین 18 دن میں اپنا سفر طے کرے گی۔ اس سروس کے تحت پہلی ٹرین 1 جنوری کو اپنے سفر کا آغاز کر چکی ہے جو 18 جنوری کو اپنی منزل پر پہنچ جائے گی۔

اس سروس کے آغاز کے بعد برطانیہ یورپ کا وہ آٹھواں ملک بن گیا ہے جہاں چین کی مال بردار ٹرین سروس فعال ہوگئی ہے۔ لندن جانے والی خصوصی مال بردار ٹرین یہاں سے گھریلو استعمال کی اشیا سمیت گارمنٹس، بیگز، سوٹ کیسز اور دیگر مصنوعات لے کر جائے گی۔

چینی ریلوے انتظامیہ کے مطابق چین سے برطانیہ تک یہ ٹرین سروس دونوں ممالک کے تجارتی تعلقات کو بہتر کرے گی۔ یہ سروس صدر شی چن پنگ کی پالیسی ’ایک خطہ ایک روڈ‘ کے تحت شروع کی گئی ہے۔

انتظامیہ کا کہنا ہے کہ ایک ہی ٹرین اتنا لمبا سفر طے نہیں کرسکتی لہٰذا مختلف مقامات پر ٹرین پر رکھے کنٹینرز کو دوسری ٹرین میں منتقل کیا جائے گا۔

Comments

comments

یہ بھی پڑھیں